01. 11. @ 19:00 | Владината борба против дезинформации – можност за цензура, неопходен чекор или само план на хартија?

Владата најави акциски план за борба против лажни вести и дезинформации, што наиде на сомнеж кај многумина од медиумската сфера и граѓанскиот сектор. Ќе ги слушнеме ставовите на искусни новинари врзани со предложениот акциски план на Владата за борба против дезинформации и лажни вести.

Најавени беа т.н. „проактивни мерки“ против дезинформации и напади врз демократијата и се формираше акциска група која освен претставници од Владата и државни институции, не вклучи претставници од медимуите, ниту граѓанскиот сектор. Што е работата на акцискиот план? Кој ќе ја контролира работата на акциската група? Какви се нивните планови за справување со лажните вести и дезинформациите? Кој ќе одлучува што е лажна вест, а што вистина? И како сето ова ќе влијае на новинарството?

Говорници: Џелал Незири, Назим Рашиди, Жанета Трајкоска, Александар Србиновски, Зоран Бојаровски

Модератор: Васко Маглешов